“Barselona”ya keçir

“Fənərbağça”nın qapıçısı Dominik Livakoviç “Barselona”ya keçməyə yaxındır.

Allsport.az xəbər verir ki, tərəflər 2,5 milyon avro və bonuslar qarşılığında transferlə bağlı razılığa gəlib. “Barselona” xorvatiyalı qapıçı ilə 4 illik müqavilə imzalayacaq.

Razılaşmadakı bütün bonuslar ödənilərsə, “Fənərbağça”nın Livakoviçin satışından ümumilikdə təxminən 4 milyon avro gəlir əldə edəcəyi bildirilir.