“Qalatasaray”a qarşı oynadı

Türkiyə super liqasında 2-ci tura start verilib.

Allsport.az xəbər verir ki, Azərbaycan milli komandasının hücumçusu Nəriman Axundzadənin formasını geyindiyi “Ərzurumspor” doğma meydanda son çempion “Qalatasaray”ı qəbul edib.

Qarşılaşma qonaqların 4:0 hesablı qələbəsi ilə başa çatıb.

Nəriman da bu matçda iştirak edib. 22 yaşlı forvard 55-ci dəqiqədə meydana daxil olub. O, 84-cü dəqiqədə sarı vərəqə ilə cəzalandırılıb.

Keçirdiyi hər iki oyunda məğlub olan “Ərzurumspor” turnir cədvəlinin sonuncu pilləsində qərarlaşıb.