Taekvondoçularımızdan Qazaxıstanda 18 medal

Azərbaycan taekvondo klublarının üzvləri Qazaxıstanın Aktau şəhərində keçirilən “Jas Batyr kuboku” turnirində uğurlu çıxış ediblər.

Allsport.az xəbər verir ki, avqustun 14-16-da təşkil olunan yarışda “Alpman”, “Altay” və “Asiman” klublarının təmsilçiləri ümumilikdə 18 medal qazanıblar.

Mükafatlar arasında 7 qızıl, 3 gümüş və 8 bürünc medal olub.

“Altay” 8 (3 qızıl, 3 gümüş, 2 bürünc), “Alpman” 7 (3 qızıl, 4 bürünc), “Asiman” isə 3 (1 qızıl, 2 bürünc) medala sahib çıxıb.

Turnirdən sonra üç klubun nümayəndələri avqustun 17-19-da Aktau şəhərində keçirilən təlim-məşq toplanışında iştirak ediblər.