“İlk qolu çox tez buraxdıq”

Azərbaycan kubokunun yarımfinal mərhələsində “Neftçi” evdə “Qarabağ”a 0:4 hesabı ilə uduzub. Allsport.az xəbər verir ki, “ağ-qaralar”ın baş məşqçisi Miodraq Bojoviç oyun haqda danışıb:

“İlk qolu çox tez buraxdıq. Bundan sonra yenidən oyuna qayıtmaq çox çətindir. Hesabı bərabərləşdirmək istəyirdik. Təəssüf ki, bacarmadıq. “Qarabağ”dan daha iki qol buraxdıq. Ondan sonra oynamaq çətin idi. İkinci hissə daha yaxşı oynadıq. Bu da anlaşılandır, çünki “Qarabağ” üç qol vurmuşdu, daha rahat oynadılar”.