Millimizin futbolçuları Türkiyədə üz-üzə gəldi, Renat sevindi, Şahruddin üzüldü

Türkiyə super liqasının 23-cü turunda Şahruddinli “Adanadəmirspor” öz evində Renatlı “Hatayspor”la qarşılaşıb.

Allsport.az xəbər verir ki, görüş Dadaşovun komandasının 1:0 hesablı qələbəsi ilə başa çatıb.

Hər 2 həmyerlimiz oyuna start heyətdən başlayıb. Məhəmmədəliyev 90 dəqiqə meydanda olsa da, Hatay klubunun 9 nömrəsi 48-ci dəqiqədə sarı vərəqə alıb və 68-ci dəqiqədə əvəzlənib.

Qeyd edək ki, “Hatayspor” 10 oyunluq qələbəsiz zolağa son qoyub. “Adana Demirspor” isə dalbadal 6-cı matçda 3 xal qazana bilməyib.