“Neftçi”nin ev antirekordu

“Neftçi” Azərbaycan kubokunda ardıcıl 3-cü ev məğlubiyyətini alıb. Komanda 1/4 finalın ilk oyununda “Sumqayıt”a 0:1 hesabı ilə uduzub.

Allsport.az xəbər verir ki, paytaxt təmsilçisi bundan əvvəl öz meydanında keçirdiyi son iki qarşılaşmada da məğlubiyyətə üzülüb. “Ağ-qaralar” 2018/19 mövsümündə 1/4 finalda “Sumqayıt”a 0:2 hesabı ilə məğlub olub. 2017/18 mövsümündə yarımfinala qədər irəliləyən “Neftçi” öz meydanında “Qəbələ”yə yenilib – 1:3.

Bu, klub tarixində yeni antirekorddur. “Ağ-qaralar” 27 ildir daimi iştirakçısı olduğu yarışda bunadək ardıcıl üç ev qarşılaşmasında məğlubiyyət almamışdı.