“Neftçi”yə teхniki məğlubiyyət verildi

AFFA İntizam Komitəsinin növbəti iclası keçirilib. Allsport.az хəbər verir ki, komitə üzvləri 3 komandaya teхniki məğlubiyyət verib.

U-16 Liqasının “Neftçi İK İB” – AzAL matçında AzAL-ın futbolçusu Fərid Bayramov turu buraxmalı olduğu halda meydançaya çıxdığı üçün kluba 0:3 hesablı texniki məğlubiyyət verilib.

U-16 Liqasının “Neftçi İK İB” – “Xəzər Lənkəran” matçında təcili yardım maşınının olmamasına görə “Neftçi İK İB” klubuna 0:3 hesablı texniki məğlubiyyət verilib.

U-15 Liqasının “Neftçi” – AzAL matçında AzAL-ın futbolçusu Hüseyn Seyidov turu buraxmalı olduğu halda meydançaya çıxdığı üçün kluba 0:3 hesablı texniki məğlubiyyət verilib.