PFL “köhlən atlılar”ın Tofiq Bəhramov adına stadionda oynamasına icazə verib

“Qarabağ” klubu peşəkar futbol liqasına müraciət ünvanlayıb.

Allsport.az saytı xəbər verir ki, ev oyunlarının keçirildiyi “Azərsun arena”nın işıqlandırma sistemində nasazlıqlar yarandığı və təmirə ehtiyac duyulduğu üçün “Qarabağ” və “Qarabağ-2” komandalarının növbəti matçlarının yerinin dəyişdirilməsi xahiş olunub. Mövcud vəziyyəti araşdıran PFL ölkə çempionunun ev oyunları ilə bağlı qərarlar qəbul edib:

1-ci divizionun 9-cu turunun “Qarabağ-2” – MOİK qarşılaşması noyabrın 2-də “Azərsun arena”da oynanılsın.

Topaz premyer liqasının 10-cu turunun “Qarabağ” – “Sumqayıt” görüşü noyabrın 3-də Tofiq Bəhramov adına respublika stadionunda keçirilsin.