“Qəbələ” öz yetirməsini “Kəpəz”ə icarəyə verib

“Qəbələ”nin öz yetirməsi Samir Qurbanovu icarəyə verib. Allsport.az saytı xəbər verir ki, 19 yaşlı cinah yarımmüdafiəçisi karyerasını 1-ci divizionda, “Kəpəz”də davam etdirəcək. O, cari mövsümün sonunadək Gəncə klubunun formasını geyinəcək.

Xatırladaq ki, futbolçu keçən il Çex Respublikasının “Viktoriya Jijkov” klubuna keçsə də, orda çox qalmayıb. Bu il ölkəyə qayıdan U-19 yığmamızın üzvünün adı cari mövsüm “Qəbələ”nin iştirak ərizəsində olsa da, debüt etməyib.