“Qəbələ” Türkiyə klubu ilə heç-heçə etdi

Antalyada təlim-məşq toplanışını davam etdirən “Qəbələ”nin 15 yaşa qədər futbolçulardan ibarət komandası ötən gün ikinci oyununu keçirib.

Allsport.az xəbər verir ki, bir gün öncə yerli “Antalyaspor”lu yaşıdları ilə qarşılaşan təmsilçimiz (0:2) bu dəfə “Kunduspor”un U-17 komandası ilə üz-üzə gəlib.

Matç 2:2 hesabı ilə yekunlaşıb. Təmsilçimizin heyətində Rüstəm Nuriyev və Eldost Qiyasbəyli fərqlənib. “Qırmızı-qaralar”ın toplanış çərçivəsində üçüncü – son oyunu yanvarın 18-də baş tutacaq. Rəqibin adına bu gün aydınlıq gələcək.