Qadın hakimlərimiz Gürcüstana yollanacaq

Azərbaycanlı qadın hakimlər beynəlxalq turnirə dəvət olunub.

Allsport.az xəbər verir ki, FIFA referisi Yuliya Qurbanova və referi köməkçisi Sevda Nuriyeva Gürcüstan futbol federasiyasının dəvəti ilə 19 yaşadək qızlardan ibarət milli komandalar arasında təşkil olunacaq beynəlxalq turnirin oyunlarını idarə edəcəklər.

Gürcüstan, Belarus, Estoniya və Ukrayna komandalarının iştirak edəcəyi turnirin oyunları 21-26 aprel tarixlərində keçiriləcək.