“Qalatasaray” – “Fənərbağça” oyunu Xankəndidə keçirilsin”

Məşhur türkiyəli siyasətçi Sinan Oğan, Səudiyyə Ərəbistanında keçirilməsi nəzərdə tutulan, lakin bəzi qadağalar səbəbindən Türkiyə superkuboku çərçivəsində təxirə salınan “Qalatasaray” – “Fənərbağça” oyunu barədə “X” platformasında paylaşım edib.

Allsport.az xəbər verir ki, o, matçın yurd dışında təşkilinin şərt olduğunu nəzərə alıb, görüşün Xankəndi şəhər stadionunda keçirilməsini təklif edib: “Əks halda, bu final Türkiyənin paytaxtına yaraşır”.

Sinan Oğan son prezident seçkilərində namizədlərdən biri olub. 2-ci turda Türkiyə cümhur başqanı Rəcəb Tayyib Ərdoğanın xeyrinə geri çəkilib.