Roman Qriqorçuk: Akademiyamızın yetirmələrinin bu günki çıxışından razı qaldım

Azərbaycan kubokunun 1/8 final mərhələsinin “Qəbələ” – “Mil-Muğan” oyunundan (8:0) sonra “qırmızı-qaralar”ın baş məşqçisi Roman Qriqorçukun mətbuat konfransı keçirilib. Allsport.az saytı sizi ukraynalı mütəxəssisin fikiri ilə tanış edir:

“Növbəti mərhələyə keçmək, qalib gəlmək vacib idi. O da baş verdi, davam edirik. Futbolçular meydana çıxanda böyük fərqi hiss edirlər. Düşünürəm ki, oyunun əvvəli də ona görə belə alındı. Yaxşı ki, hər şey belə alındı və qalib gəldik. Ancaq strateji düşüncələrimə görə oyunun əvvəlində təzyiq göstərib, istəyimizə çatmalı, sonra rahat oynamalı idik.

Amma biz yalnız 30-cu dəqiqədə hesabı açdıq. Akademiyamızın yetirmələrinin bu günki çıxışından razı qaldım. Yaxşı oldu ki, onlar qol da vurdular. Lakin bu məni təəccübləndirmədi. Onlar artıq neçə vaxtdır əsas komanda ilə məşq edirlər. Həmin futbolçuların bu qarşılaşmada şans qazanması müsbət hal oldu”.