Ruslan Həsənov ilk 64-lükdə

Macarıstan paytaxtı Budapeştdə şpaqaçıların qran-prisi start götürüb. Allsport.az saytı xəbər verir ki, kişilərin şəxsi yarışında Ruslan Həsənov ilk 64-lüyə kimi irəliləyib.

Qrupu 4 qələbə ilə başa vuran qılıncoynadanımız, ilk pley-ofda kanadalı Yuan Zhi Pana (15:10)Ş ardınca fransalı Lilian Nguefaka (15:8) qalib gəlib. O bu gün əsas mərhələnin ilk görüşündə Tristan Tulenlə (Niderland) qarşılaşacaq.

Qrup mərhələsində 3 qələbə qazanan Kənan Əliyev pley-ofda Mavriki təmsilçisi Satya Gunputa 14:15 məğlub olub.

Qrupda 1 qələbəsi olan Fərrux Səfərov və Brat Quliyev mübarizəni erkən dayandırıblar.