“Sarı-göylər”in baş məşqçi qərarı

Divizion təmsilçisi “Kəpəz” baş məşqçisi Yaşar Vahabzadə ilə yeni müqavilə imzalayıb. Allsport.az xəbər verir ki, bu barədə klubun icraçı direktoru İlqar Nadiri məlumat verib:

“Fanatlar bilsin ki, komanda məşqlərə başlamasa da, meydançadan kənar işləri yoluna qoymaq üzərində çalışırıq. İlk olaraq baş məşqçi məsələsini həll etmişik. Ötən mövsüm kollektivi çalışdıran Yaşar Vahabzadə ilə yeni 1 illik razılıq əldə olunub. O, qarşıdakı çempionatda da “Kəpəz”i çalışdıracaq. Yaşar müəllim də boş oturmur. Yeni futbolçularla danışıqlara başlayıb, heyəti formalaşdırmağa çalışır. Xüsusən də, seçimdə gənclərə üstünlük verir”.