Xeyriyyə maçının gəlirləri açıqlanıb

Allsport.az xəbər verir ki, 13 may tarixində keçirilmiş “Sabah” – “Beşiktaş” xeyriyyə matçının gəlirləri bəlli olub.

Qarşılaşmanın gəlirləri 718019 AZN təşkil edib. Oyundan əldə edilmiş bütün gəlir ən qısa zamanda “Beşiktaş” klubu tərəfindən yaradılmış “Bırakmam seni Türkiyem” yardım kampaniyasının hesabına köçürüləcək.

Matçdan əldə edilən bütün gəlir qardaş Türkiyədə zəlzələdən zərər çəkmiş bölgədə məktəb tikintisi üçün xərclənəcək.