“Yaşıl timsahlar” qalib gəldi, millimizin yeni futbolçusu fərqləndi

Türkiyə Superliqasında 8-ci turun oyunları keçirilib. Allsport.az xəbər verir ki, Azərbaycan yığmasının üzvü Dəniz Yılmazın çıxış etdiyi “Bursaspor” səfərdə “Alanyaspor”la üz-üzə gəlib.

“Yaşıl timsahlar” bu matçdan qələbə ilə ayrılıblar – 2:0. Hücumçumuz görüşə də start heyətdə başlayıb və 90 dəqiqə meydanda olub. O, komandasının 2-ci qolu zamanı dub edən Xorkeraya məhsuldar ötürmə verib.

“Bursaspor” hazırda 16 xalla 18 klub arasında 4-cü yerdədir.