Əliyar Ağayevə yeni təyinat

FİFA referisi Əliyar Ağayev konfrans liqasına yeni təyinat alıb. Allsport.az saytı xəbər verir ki, o, pley-ofda “Gent” (Belçika) – “Rakuv” (Polşa) arasında cavab oyununu idarə edəcək.

Ona yan xəttdə Zeynal Zeynalov və Akif Əmirəli kömək edəcəklər. 4-cü hakim funksiyasını Elçin Məsiyev yerinə yetirəcək.

Avqustun 26-da görüş 22:00-da başlayacaq. Komandalar arasında ilk görüş isə avqustun 19-da olacaq.