“Ən qısa müddətdə tam sağalıb, komandama kömək etmək üçün əlimdən gələni edəcəyəm”

“Qarabağ”ın bolqarıstanlı yarımmüdafiəçisi Simeon Slavçev açıqlama verib. Allsport.az saytı xəbər verir ki, o, avrokubokda “Sportinq”lə oyunda komandasına kömək etməməsindən üzüldüyünü deyib:

“Millətlər liqasında Norveçlə oyunöncəsi isinmə hərəkətlərini yerinə yetirərkən bud nahiyəmdəki əzələmdən zədə aldım.

Bir neçə gündən sonra məşqlərə başlayacam və ən qısa müddət ərzində tam sağalıb komandama kömək etmək üçün əlimdən gələni edəcəyəm. Azarkeşlərimizə də son günlərdə göstərdikləri dəstəyə görə təşəkkür edirəm”.