2 klubun adı dəyişdirilib

1-ci liqada çıxış edən “Cəbrayıl”, 2-ci liqanın iştirakçısı “Quba” futbol komandalarının adları dəyişdirilib.

Allsport.az xəbər verir ki, “Cəbrayıl” yarışlarda “Gəncəbasar”, “Quba” isə “Hypers” adı altında mübarizə aparacaq.

Hər iki klubun ad dəyişikliyi ilə bağlı bütün sənədləşmə işləri başa çatdırılıb və zəruri sənədlər peşəkar futbol liqasına təqdim edilib.

Liqaların əsasnaməsinin müvafiq bəndinə əsasən, adı dəyişdirilmiş klublar hüquqi baxımdan əvvəlki klubun PFL üzvlüyünü saxlayır, onun varisi sayılır və yarışlarda iştirakla bağlı əvvəlki bütün hüquq və öhdəlikləri öz üzərinə götürür.