“Trebl? Bu, hələ çox uzaqdadır”

Allsport.az saytı xəbər verir ki, “Mançester Siti”nin baş məşqçisi Pep Qvardiola komandasının FA Kubokunun yarımfinalında “Sauthempton” üzərində 2-1 hesablı qələbə qazanmasından sonra trebl qazanma ehtimalı barədə danışıb:

“Trebl? Bu, hələ çox uzaqdadır. Yalnız “Aston Villa” ilə son liqa matçından əvvəl şansımızın olub-olmadığını biləcəyik. Hazırda bu, çox uzaqdadır. Hazırda bütün oyunçuların üç gün istirahət etməsi vacibdir. Onlara futbol haqqında düşünməmələrini və sadəcə istirahət etmələrini demişəm.

Sonra mövsüm yenidən başlayacaq – 5 oyunumuz və FA Kubokunun finalı olacaq. Deyərdim ki, premyer liqa demək olar ki, bitib; biz yenidən 2-ci yerdəyik – hər şeyin necə olacağını görəcəyik”.