AFFA-nın inkişaf strategiyası ilə əlaqədar növbəti görüş

Yeni strategiya ilə bağlı “Dubl Pass” və “Makinsey” şirkətlərinin nümayəndələri ilə bu həftə Bakıda görüşlər təşkil olunub.

Allsport.az saytı xəbər verir ki, onlar elm və təhsil nazirliyi, Azərbaycan idman akademiyası, 1-ci və 2-ci liqa klublarının nümayəndələri, eləcə də AFFA-nın departamentləri ilə fikir mübadiləsi aparıb, məlumatların toplanma prosesini həyata keçiriblər.

Cari vəziyyətlə bağlı toplanmış məlumatlar və öncə yığılmış təklifləri nəzərə alaraq, şirkətlər tərəfindən strategiyanın ilkin versiyasının hazırlanma prosesi başlanıb.