Amorim PSJ-nin müdafiəçisini istəyir

“Mançester Yunayted”in baş məşqçisi Ruben Amorim PSJ-nin müdafiəçisi Nuno Mendeşi komandasında görmək istəyir.

Allsport.az xəbər verir, portuqaliyalı mütəxəssis rəhbərlikdən ilk transfer kimi 22 yaşlı futbolçunu istəyib. PSJ isə Nunonu ən azı mövsümün sonuna qədər saxlamaq niyyətindədir.

Mendeş 2021-ci ilin yayında 38 milyon avro qarşılığında “Sportinq”dən PSJ-yə keçib. Onun Fransa klubu ilə müqaviləsi 2026-cı ilin iyunun sonuna kimidir.