Avropa çempionu 34 yaşında vəfat edib

İrlandiyanın atletika üzrə Avropa çempionu Siara Magian 34 yaşında vəfat edib.

Allsport.az xəbər verir ki, tanınmış idmançı noyabrın 1-də səhər saat 06:30-da yaxınlarının əhatəsində dünyasını dəyişib.

Magian 2025-ci ilin iyulunda xərçəng xəstəliyinə tutulduğunu ictimaiyyətə açıqlayıb. Ona dördüncü mərhələdə olan bağırsaq xərçəngi diaqnozu qoyulub.

Orta məsafələrə qaçış üzrə ixtisaslaşan idmançı 2024-cü ildə Romada keçirilən Avropa çempionatında 1500 metr məsafəyə qaçışda qızıl medal qazanıb.