Forgot Password New Account

“Araz-Naxçıvan”da daxili iclas

Futbol
27 oktyabr 2014 / 10:45 Baxış sayı: 873

Topaz Premyer liqasının son turunda “Simurq”a böyükhesabla məğlub olan (0:4) “Araz-Naxçıvan”da daxili iclas keçirilib. Allsport.az saytı xəbər verir ki, klub rəhbərliyi, başda Naxçıvan Muxtar Respublikası gənclər və idman naziri Azad Cabbarov olmaqla məşqçilər və futbolçularla görüş təşkil edilib.

Toplantıda çıxış edən Azad Cabbarov, ilk olaraq komandanın son 7 turda qələbə qazana bilməməsinin səbəblərini məşqçilər korpusu ilə müzakirə edib. Eyni zamanda, görüşdə futbolçuların fərdi, həmçinin kollektiv səviyyələrinin aşağı olduğu diqqətə çatdırılıb və məşqçilərin qarşısına şərt qoyulub.

Klubun icraçı direktoru başda olmaqla, digər işçilərə də ciddi xəbərdarlıq edilib. Komanda ümumi şəkildə cərimələnib və bir neçə futbolçunun göndərilməsinə qərar verilib. Növbəti turlarda komanda bu nəticəni davam etdirəcəyi təqdirdə isə daha ciddi addımlar atılacağı bildirilib.

Həmin kateqoriyadan