Avrokuboklarda ev oyunlarımızda stadionlara 50 faiz azarkeş buraxılacaq

Azərbaycan premyer liqası klublarının UEFA-nın bayrağı ilə təşkil olunan turnirlərdə evdə keçirəcəkləri oyunlar zamanı müvafiq stadionların ümumi azarkeş tutumunun 50 faizi qədər azarkeş tribunalara buraxılacaq.

Allsport.az saytı xəbər verir ki, AFFA-nın bununla bağlı nazirlər kabineti yanında operativ qərargaha ünvanladığı müraciət müsbət cavablandırılıb.

COVID-19 pandemiyası ilə əlaqədar mövcud olan bütün tələb və tövsiyələrə, sanitar-gigiyenik qaydalara əməl edilməsi barədə məlumatlar AFFA tərəfindən klublara göndəriləcək.