Azərbaycan və Özbəkistan arasında anlaşma

Azərbaycan stolüstü tennis federasiyası beynəlxalq əməkdaşlığı genişləndirir.

Allsport.az saytı xəbər verir ki, bu istiqamətdə daha bir addım atılıb. Daşkənddə, Özbəkistan və Azərbaycan stolüstü tennis federasiyaları arasında qarşılıqlı əməkdaşlığın və dostluq əlaqələrinin möhkəmləndirilməsinə yönəlmiş müqavilə imzalanıb.

ASTF-nin baş katibi Könül Mikayılova və ÖSTF-nin baş katibi Gövhərxan Müqəddəsovanın imzaladığı bu strateji sənəd 2 qardaş ölkənin idmançıları, məşqçiləri və hakimləri üçün yeni imkanlara yol açacaq.