Respublika birinciliyinə start

Allsport.az xəbər verir ki, “Süa” idman-sağlamlıq mərkəzində keçirilən yarışda 2013-cü il və daha aşağı təvəllüdlü idmançılar stolüstü tennisdə bacarıqlarını göstərirlər.

Budəfəki birinciliyə paytaxt Bakı ilə yanaşı, Sumqayıt, Şəki, Şabran, Şamaxı, Şirvan və Qobustandan ümumilikdə 100-dən artıq iştirakçı qatılıb. Onlar şəxsi, qoşa və qarışıq qoşa növlərində mübarizə aparırlar.

3 gün davam edəcək yarışın nəticələrinə əsasən fəxri kürsüyə qalxan idmançılar müvafiq yaş qrupları üzrə seçmə komandalara cəlb ediləcəklər.