Riqada 3-cü oldu

Azərbaycan stolüstü tennisçisi Tunar Bağırov beynəlxalq yarışın mükafatçısı olub.

Allsport.az xəbər verir ki, 16 yaşlı idmançı Latviyada keçirilən “Riga city councils youth cup 2026” turnirində fərqlənib.

Öz yaş qrupunda mübarizəni 1/4 finalda dayandıran Tunar U-19 kateqoriyasında daha uğurlu çıxış edib. O, qrup mərhələsində Malta, Estoniya və İsveç təmsilçilərini, 1/16 finalda İngiltərə, 1/8 finalda Litva, 1/4 finalda isə Latviya idmançısını məğlub edib.

Yarımfinalda Litva təmsilçisinə uduzan stolüstü tennisçimiz yarışı üçüncü pillədə başa vurub.

Bu, Tunar Bağırovun beynəlxalq turnirlərdə qazandığı 12-ci mükafatdır.