Beynəlxalq yarışda çıxış edəcək

Azərbaycanın stolüstü tennisçisi Onur Quluzadə növbəti beynəlxalq turnirdə iştirak edəcək.

Allsport.az xəbər verir ki, seçmə komandanın baş məşqçisi Mixail Timofeyevin rəhbərliyi ilə Qazaxıstanın Almatı şəhərinə yollanan istedadlı idmançı “VTT Youth Kontender” turnirində qüvvəsini sınayacaq.

Bu gün start götürən beynəlxalq yarışa iyulun 27-də yekun vurulacaq.

Onur Quluzadə bu günlərdə Portuqaliyada keçirilən Avropa çempionatında bürünc medal qazanaraq uğurlu çıxışı ilə diqqət çəkmişdi.