“Bakı”nın sabiq baş məşqçisi istefaya göndərildi

Türkiyə Superliqasında çıxış edən “Kayseri Ərciyyəspor” klubu baş məşqçisi Bülənd Qorxmazla yollarını ayırıb. Allsport.az saytının məlumatına görə, bu barədə klubun prezidenti Ziya Ərən məlumat yayıb.

O bildirib ki, komandanın uğursuz çıxışı səbəbindən baş məşqçi istefaya göndərilib. Qeyd edək ki, “Kayseri Ərciyəsspor” klubu Superliqanın 10 turundan sonra 9 xalla turnir cədvəlinin 15-ci pilləsində qərarlaşıb.

Xatırladaq ki, Qorxmaz 2009-2010-cu illərdə “Bakı” klubunu da çalışdırıb.