“Biz bundan dərs almalıyıq”

“Mançester Yunayted”in baş məşqçisi Erik ten Haq premyer liqanın 31-ci turunun matçında “Çelsi”yə məğlubiyyəti (3:4) şərh edib.

Allsport.az xəbər verir ki, londonlular 90+10 və 90+11 dəqiqələrdə qol vuraraq qələbə qazanıblar. Bu barədə niderlandlı mütəxəssis öz fikirlərini səsləndirib:

“Bu, heyrətamiz oyun idi. Fantastik yüksək keyfiyyətli futbol oyunu. “Mançester Yunayted” oyunda üstün idi, lakin biz bəzi səhvlərə yol verdik ki, bu da bizə baha başa gəldi. Biz bundan dərs almalıyıq.

Əgər siz “Mançester Yunayted”in futbolçususunuzsa, bu vəziyyətlərlə necə davranacağınızı artıq bilməlisiniz. Komandamın oyun tərzi xoşuma gəldi, fantastik idi”.