“Braysqay braziliyalıları” Bakıya 3 itki ilə yollanır

Avropa liqasının “G” qrupunda sabah “Qarabağ”la qarşılaşacaq “Frayburq”un heyətində itkilər var. Allsport.az saytı xəbər verir ki, bunu baş məşqçisi Kristian Ştrayx deyib.

Onun sözünə görə, müdafiəçi Manuel Qulde və yarımmüdafiəçilər Merlin Röl və Conatan Şmid zədə səbəbindən Bakıya yollanmayacaqlar.

Noyabrın 3-də Tofiq Bəhramov adına respublika stadionunda matç saat 21:45-də başlayacaq.