Budaq Nəsirov da “Kəpəz”dən ayrıldı

“Kəpəz” daha bir futbolçusu ilə vidalaşıb. Allsport.az saytı xəbər verir ki, komandanı tərk edənlərin sırasına Budaq Nəsirov da qoşulub.

O, müqavilə ilə “Sumqayıt”a məxsus olsa da, Gəncə klubunda icarə əsasında çıxış edirdi. İcarə müqaviləsinin müddəti bitən futbolçunun klubu onun geri qayıtmasını istəyib. Nəticədə, Nəsirov “Sumqayıt”ın düşərgəsinə qayıtmalı olub.

Qeyd edək ki, “Kəpəz”i daha öncə Namiq Ələsgərov, Tərlan Quliyev, Bəxtiyar Soltanov, Juninyo, Elvin Cəbrayıllı və Xəzər Qəribov tərk etmişdi.