Məşq zamanı qəza törətdi

“Uilyams”ın sürücüsü Aleksandr Albon, Kanada mükafat yarışında məşq zamanı qəzaya uğrayıb. Allsport.az saytı xəbər verir ki, Monreal trasında sərbəst ötüşmə zamanı pilot bir marmotun üstündən keçib və sonra divara çırpılıb.

Nəticədə, onun avtomobilinin sol tərəfi ciddi ziyan görüb və məşq qırmızı bayraq altında keçib. Albon özü xəsarət almayıb, lakin Kanada qran prisindən əvvəlki yeganə məşqi başa vurmayıb.