Braziliyanın avarçəkmə federasiyasının nümayəndəsi Bakıda avarçəkmə bazasında olub

Bakıda keçirilən Ümumdünya şəhərsalma forumunun 13-cü sessiyası (VUF-13) çərçivəsində Braziliya avarçəkmə federasiyasının ictimaiyyətlə əlaqələr direktoru Samiya Süleyman paytaxtımıza yollanıb.

Allsport.az saytı xəbər verir ki, səfər zamanı o, Azərbaycan su idman növləri federasiyasının inzibati binasında olub. Qonağa federasiyanın fəaliyyəti və iş prosesi barədə məlumat verilib, Bakı avarçəkmə və kanoe idman klubunun məşq bazası ilə tanış olub. Veteranlar arasında dünya çempionatının mükafatçısı olmuş Samiya Süleyman Xəzər dənizində avar çəkib.

Sonda braziliyalı qonağa federasiya tərəfindən xatirə hədiyyəsi təqdim edilib.