“İndiyə qədər olduğum ən yaxşı durumdayam”

İrlandiyalı UFC ulduzu Konor Makqreqor, amerikalı Maks Holloveyə qarşı qarşıdakı döyüşə hazırlığından danışıb. Allsport.az saytı xəbər verir ki, onlar 11 iyulda ABŞ-ın Las Veqas şəhərində keçiriləcək UFC-329 turnirində yarımçəkidə qarşılaşacaqıar:

“Son bir neçə gündə sevgi, dəstək və ruhlandırıcı olduğunuz üçün hamınıza təşəkkür edirəm, dostlar! Bu, çətin təlim-məşq toplanışı üçün özümü enerjili hiss etməyimə səbəb oldu.

Ətrafımdakı komandaya çox minnətdaram. Məşqçilərim və sparrinq tərəfdaşlarım qarşıdakı vəzifəyə tam sadiqdirlər və idman zalımızda əla atmosfer var.

İndiyə qədər olduğum ən yaxşı durumdayam və döyüş sənəti bacarıqlarımı dünyaya nümayiş etdirmək fürsətindən istifadə etməkdən həyəcanlıyam”.

Konor Makqreqor 2021-ci ilin yayında amerikalı Dastin Poryerə qarşı döyüşdə ağır zədə aldığından bəri səkkizbucaqlıya çıxmayıb.