Bunu heç futbolda görmüsünüz?

Niderland millisi Avro-2024-ün seçmə turnirində Cəbəlütariqi 3:0 hesabı ilə məğlub edərək, qrupda ilk qələbəsini qazanıb. Allsport.az xəbər verir ki, “Mançester Siti”nin müdafiəçisi Natan Ake dubla, Memfis Depay isə daha 1 qola imza atıb.

Təbii ki, Avropanın ən zəif komandalarından biri üzərində qələbə heç kimi təəccübləndirməyəcək, amma matçın statistikası bunu edə bilər.

Oyunda 50 cavabsız zərbə! Heç belə bir şey görüb-görmədiyinizə əmin deyiləm. Belə çıxır ki, Niderland futbolçuları orta hesabla hər 2 dəqiqədən bir qapıya zərbələr endirirlər.

Cəbəlütariq qələbəsi ilə ilk turda Fransaya 0:4 hesabı ilə məğlub olan komanda turnir cədvəlindəki mövqeyini yaxşılaşdırıb.