“Canavarlar”ın hədəfinə düşüb

“Marsel”in hücumçusu Meyson Qrinvud yayda hücum xətti üçün “Roma”nın ilk seçimidir.

Allsport.az saytı xəbər verir ki, baş məşqçi Can Pyero Qasperini 24 yaşlı ingiltərəli ilə şəxsən maraqlanır. Fransa klubu onun üçün 50 milyon avro istəyir. Danışıqların yaxın günlərdə başlaması gözlənilir.

Meyson 2024-cü ildən “Olimpik”də oynayır. Onun müqaviləsi 2029-cu ilin yayına qədərdir. Hücumçu 81 oyun keçirib, 48 qol vurub və 17 məhsuldar ötürmə edib.