Cavab oyunu üçün də təyinatlar açıqlandı

Çempionlar liqasının birinci təsnifat mərhələsi çərçivəsində “Neftçi”–“Dinamo” (Tbilisi) matçının təyinatları açıqlanıb. Allsport.az xəbər verir ki, oyuna Moldovadan olan hakimlər təyinat alıblar.

Matçın baş hakimi Dumitru Muntean olacaq. Ona Vlad Lifsiu və Vadim Vikol kömək edəcəklər. 4-cü hakim funksiyasını Qabriel Tupisika yerinə yetirəcək.

Qarşılaşmanın UEFA nümayəndəsi Siprian Paraskiv (Rumıniya), hakim-inspektoru isə Aleksandr Qvardis (Rusiya) olacaq.

“Neftçi”–“Dinamo” matçı iyulun 14-də “Bakcell Arena”da təşkil olunacaq.

Bu komandalar arasında ilk oyun iyulun 7-də Boris Payçadze adına “Dinamo Arena”da baş tutacaq və Bakı vaxtı ilə saat 20:00-da start götürəcək.