Danışılmış oyunlar araşdırılacaq

Fransa peşəkar futbol liqası ölkə çempionatında danışılmış oyunları araşdırmağa başlayıb. «Allsport.az»ın Fransa mediasına istinadən verdiyi xəbərə görə, peşəkar liqanın nizam-intizam komitəsi araşdırmalara ölkə çempionatının ikinci divizionundan başlayacaq.

Buna səbəb «Kan»la «Nim» arasında ötən il keçirilmiş oyun səbəb olub. Deyilənə görə, həmin oyunun gedişi belə şübhələrə hər bir əsas yaradıb. Əgər belə bir fakt aşkarlanarsa, danışılmış oyunun iştirakçısı olan klublar yaorışdan çıxarılacaq.

Məlumata görə, bu il yalnız ikinci diviziondakı oyunlar araşdırılacaq. Gələn ildən isə bütün liqalar nəzarətə götürüləcək.