De Byazi: “Qətiyyən heç bir təzyiq yoxdur“

Millimizin baş məşqçisi Canni de Byazi İrlandiya millisinə qarşı keçirəcəkləri 2022-ci il dünya çempionatının seçmə oyunundan öncə mətbuat konfransında oyun haqda fikirlərini bölüşüb.

Allsport.az xəbər verir ki, təcrübəli mütəxəssis bunları deyib:
“Ümumi durum ürəkaçandır. Düzdür, zədəli oyunçularımız var, amma çalışacağıq ki, İrlandiyada itirdiyimiz 2 xalı bərpa edək.

Qətiyyən heç bir təzyiq yoxdur. 30 illik təcrübəm var. Təzyiqi xoşlayıram. 16 oyun keçirmişik, onun 13-ünü ölkədən kənarda oynamışıq. Bu, asan deyil.

Müəyyən inkişaf etmişik. Topu lazımsız qabağa vurmamalıyıq, rəqib duran toplarda təhlükəlidir, ona diqqət yetirməliyik”.