Elxan Məmmədov: 4 rəsmi görüşdə məğlubiyyət millimizi reytinqdə çox geri saldı

«Milli komandamız ötən sikldə uğurlu çıxış edərək, dünya sıralamasında 73-cü pilləyə qalxmışdı. Təəssüf olsun ki, cari mərhələdə bu yüksəlişin davamını gətirə bilmədik».

Allsport.az saytının məlumatına görə, bu açıqlamanı AFFA-nın hesabat-seçki konfransında baş katib Elxan Məmmədov dedi. Bildirdi ki, 4 rəsmi görüşdə məğlubiyyətdən sonra «ay-ulduzlular»ımızın reytinqi xeyli aşağı düşdü:

«İndi milli komandamız 129-cu yerdədir. Əvəzində, bu uğursuzluğu gənc futbolçularımız unutdurdu. U-17 yığmamız elit raunda vəsiqə qazandı. Həlledici mərhələ Bakıda təşkil olunacaq. Burada da uğurlu çıxış edəcəyimizə inanıram».