“Əvəzedicilərimiz oyun planını mükəmməl başa düşür”

“İnter”in baş məşqçisi Kristian Çivu, İtaliya kubokunun yarımfinalının 2-ci oyununda “Komo” üzərində qazanılan qələbəni şərh edib. Allsport.az saytı xəbər verir ki, “neradzurri” 2 qol buraxdıqdan sonra oyunun taleyini dəyişməyi bacarıb və 86 və 89-cu dəqiqələrdə vacib qollar vurub (3:2).

“Mövsümün əvvəlindən bəri yaxşı çıxış edən əla heyətimiz var: uşaqlara fürsət verildikdə, onlar öz keyfiyyətlərini sübut edirlər. Bu gün əvəzedici heyətdə meydana çıxanlar anı və oyun planını mükəmməl başa düşdülər. Diuf, Suçiç və Pio Esposito töhfə verib inamla oynadılar. Bu komanda sona qədər yüksək yerlər uğrunda mübarizə aparmaq istəyində birləşib”.