Fernandeş Bekhemi keçib

“Mançester Yunayted”in yarımmüdafiəçisi Bruno Fernandeş İngiltərə kuboku matçında “Arsenal”la oyunda komandasının yeganə qolunu vurub (1:1, penaltilərdə 5:3).

Allsport.az xəbər verir ki, bu portuqaliyalının “qırmızı şeytanlar”ın heyətində atdığı 86-cı qol olub. Fernandeş bu göstəricidə əfsanəvi Devid Bekhemi keçərək ümumi reytinqdə 21-ci pilləyə yüksəlib.

MY tarixinin bombardirlər siyahısında Entoni Martial 20-ci yerdədir (90), Ueyn Runi isə (253) liderdir.