Georgi Lomaya: Mən olsaydım, çoxdan qırmızı vərəqə göstərmişdilər

«Kamran Ağayev yaxşı oğlandır. Onunla dostluq edirəm. Amma onun Mikel Alvoraya qarşı hərəkəti yolverilməz idi». Bunu allsport.az saytına açıqlamasında «İnter»nin əsas qapıçısı Georgi Lomaya dedi.

Gürcüstanlı qolkiper bildirdi ki, həmkarının komanda yoldaşına qarşı kobudluğu minimum sarı vərəqə idi: «Bizim futbolçu oyun epizodunda idi. Kamranın futbolçumuzu yumruq zərbəsi cəzasız qalmamalı idi.

Hamı onun kobudluğunu gördü. Mən olsaydım, hakim o saat qırmızı vərəqə göstərərdi. Hərçənd belə məqamlarda mən bilərəkdən deyil, oyun epizodunda oluram».