Həftənin ən yaxşısı kim olacaq?

UEFA çempionlar liqasında pley-off mərhələsinin ilk oyunlarından sonra həftənin ən yaxşı futbolçusu adına namizədlər açıqlanıb.

Allsport.az xəbər verir ki, namizədlər siyahısına dörd futbolçu daxil edilib:

• Entoni Qordon (“Nyukasl”) – “Qarabağ”la Bakıdakı qarşılaşmada (6:1) poker (4 qol) müəllifi olub;
• Dezire Due (PSJ) – “Monako”ya qarşı keçirilən matçda (3:2) dubl edib;
• Kasper Heq (“Budo/Qlimt”) – “İnter” üzərində qazanılan qələbədə (3:1) bir qol və iki məhsuldar ötürmə ilə yadda qalıb;
• Patrik Şik (“Bayer”) – “Olimpiakos”un qapısından iki top (2:0) keçirib.

Qalib UEFA-nın rəsmi saytında azarkeşlər arasında keçirilən səsvermə nəticəsində müəyyənləşəcək.