İAM qərarını açıqladı: “Turan Tovuz” yeni mövsümdə avrokubokda iştirak etməyəcək

İdman arbitraj məhkəməsi (İAM) “Turan Tovuz” klubunun müraciəti ilə bağlı qərarını açıqlayıb. Allsport.az saytı xəbər verir ki, qurum, UEFA apellyasiya orqanının iyunun 2-də Tovuz təmsilçisi barədə qəbul etdiyi qərarı qüvvədə saxlayıb.

İyunun 15-də açıqlanan qərara əsasən, “Turan Tovuz” bütün idman prinsiplərinə uyğun şəkildə əldə etdiyi vəsiqəyə baxmayaraq, konfrans liqasının 2026/2027-ci illər mövsümündə iştirak etməyəcək.

UEFA intizam komitəsi AFFA-nın 2019-cu ildə danışılmış oyunlarla bağlı qərarına əsaslanaraq, “Turan Tovuz”u 2026/2027-ci illər mövsümündə avrokuboklardan kənarlaşdırıb.