İngiltərədə klubunu dəyişdi

İngiltərə millisinin futbolçusu Cordan Henderson karyerasını “Çelsi”də davam etdirəcək.

Allsport.az xəbər verir ki, 36 yaşlı yarımmüdafiəçi ilə 2 mövsümlük müqavilə imzalanıb.

Henderson 2025-ci ilin yayından “Brentford”un formasını geyinirdi. Təcrübəli futbolçu karyerasının böyük hissəsini isə “Liverpul”da keçirib. O, Mersisayd təmsilçisi ilə İngiltərə çempionu olub, UEFA çempionlar liqasını, klublararası dünya çempionatını, UEFA superkubokunu, İngiltərə kubokunu, İngiltərə superkubokunu və iki dəfə İngiltərə liqa kubokunu qazanıb.

Cordan Henderson İngiltərə millisinin heyətində 91 oyunda meydana çıxıb və 3 qol vurub. O, yığma ilə 2021-ci il Avropa çempionatının gümüş, 2026-cı il dünya çempionatının isə bürünc mükafatçısı olub.