“Qurbanov Hittsfeld səviyyəsində baş məşqçidir”

“Qarabağ” hər il avrokubokların qrup mərhələsində çıxış edir. Bu, çox yaxşı və peşakər idarə olunan klubdur”.

Allsport.az xəbər verir ki, bunu “Qarabağ”ın sabiq futbolçusu İnnosent Emeqara İsveçrə “Bazel”inin Bakıda Ağdam klubuna qarşı keçirəcəyi konfrans liqasının ilk tur oyunu barədə “bluewin.ch” saytına açıqlamasında deyib.

İsveçrəli veteran hücumçu “köhlən atlar”ı ölkəsinin “Yanq Boyz” komandası ilə müqayisə edib: “Bu komandanın uğurlarında baş məşqçi Qurban Qurbanovun böyük rolu var. O, Lüsyen Favr və Ottmar Hittsfeld səviyyəsində mütəxəssisdir. Qurbanov Avropada top-klubda işləyə, “Qarabağ” isə İsveçrədə çempion ola bilər. Bakıda bu komandadan xal almaq asan olmayacaq”.

Emeqara 2014-cü ildə, həmçinin 2018/2019 mövsümündə “Qarabağ”ın formasını geyinib.

Bu gün Bakı olimpiya stadionunda keçiriləcək “Qarabağ” – “Bazel” oyunu saat 20:45-də başlayacaq.

Həmin kateqoriyadan